Мы будуем сістэму, каб паказаць расклад Імшаў розных парафій у адным месцы і зрабіць гэты расклад актуальным.

Мы не звонім у парафіі і не пытаем, ці змяніўся ў іх расклад 🙂.

Мы шукаем людзей, якія гатовы стаць нашымі валанцёрамі. Менавіта гэтыя цудоўныя, адкрытыя і цікавыя людзі кожныя 7 дзён абнаўляюць расклад Імшаў сваёй парафіі. Уся інфармацыя на сайце пададзена самімі парафіянамі.Калі расклад не абнаўляецца 7 і больш дзён, то ўсе Імшы парафіі пазначаюцца як тыя, якія трэба ўдакладняць.

Мы працуем над тым, каб працэс абнаўлення раскладу быў настолькі просты і лёгкі, наколькі гэта ўвогуле магчыма ўявіць. Нашы валанцёры ад парафій маюць чат бот і панэль кіравання раскладам Імшаў. Дзякуючы гэтаму, працэс кіравання займае ад 20 секунд да 3 хвілін раз на тыдзень.